Тошкент вилояти Бўстонлиқ туманига Ахмедов Жўрабек Илхомович ҳоким этиб тайинланди. Бу ҳақда ЎзА хабар берди.
Ж. Ахмедов бунга қадар Туризмни ривожлантириш давлат қўмитасининг Инвестицияларни жалб қилиш ва туризм инфраструктурасини ривожлантириш департаменти бошлиғи бўлиб ишлаб келаётган эди.
Эслатиб ўтамиз, 14 август куни Шавкат Мирзиёев туризм салоҳиятини кенгайтиришга доир лойиҳалар тақдимотида Бош вазир ўринбосари – Туризмни ривожлантириш давлат қўмитаси раисига параллел равишда, янги тажриба тариқасида Бўстонлиқ туманига раҳбарлик вазифасини бажаришни юклатиш таклифи билдирилганди.
