Ички ишлар вазирининг собиқ ўринбосари - Жамоат хавфсизлиги департаменти бошлиғи Бекмурод Тожимирзаевич Абдуллаевга нисбатан қўзғатилган жиноят иши Жиноят ишлари бўйича Янгиҳаёт туман судида кўриб чиқилади. Суд мажлиси 29 июлга белгиланган.
Бекмурод Абдуллаев ЖКнинг 167-моддаси (ўзлаштириш ёки растрата йўли билан талон-торож қилиш)нинг бир неча банд ва қисмлари билан айбланмоқда.
Бекмурод Абдуллаев билан бирга бу иш бўйича жами 30 кишига оид иш иш ҳам кўриб чиқилмоқда. Судланувчиларнинг аксариятига ЖКнинг 167-моддаси 3-қисми "а" ва "в" бандлари (ўзлаштириш ёки растрата йўли билан талон-торож қилиш) билан айблов эълон қилинган.
Эслатиб ўтамиз, Бекмурод Абдуллаев 2021 йил апрелидан 2025 йил ноябрига қадар ички ишлар вазирининг ўринбосари — Жамоат хавфсизлиги департаменти бошлиғи лавозимида фаолият юритган ва 2025 йил ноябрь ойида вазифасидан озод этилган. Жорий йилнинг январь ойида эса у қўлга олиниб, эҳтиёт чораси сифатида қамоққа олингани маълум бўлган эди.
Комментарии