Куни кеча, Австралияда ўтаётган аёллар ўртасидаги футбол Осиё кубогида эронлик футболчилар ўйин олдидан давлат мадҳиясини куйлашдан бош тортгани ҳақида хабар қилинганди.
Мазкур футболчилардан беш нафари меҳмонхонани тарк этиб, полицияга мурожаат қилган ва Австралия ҳукуматидан сиёсий бошпана сўраган.
ОАВнинг ёзишича, улар бугунги кунларда Австралияда ўтаётган Осиё кубогидаги биринчи ўйин олдидан Эрон Ислом Республикасининг миллий мадҳиясини куйлашдан бош тортгани учун ватанга қайтса, хавф-хатарга дуч келиши мумкин.
АҚШ президенти Дональд Трамп Австралия ҳукуматини бутун жамоага бошпана беришга чақирган. У Truth Social ижтимоий тармоғида беш нафар футболчига аллақачон ёрдам кўрсатилгани ҳақида ёзган.
Бироқ жамоанинг барча аъзолари бошпана сўрамаган. Трампнинг айтишича, уларнинг баъзилари қайтиш керак деб ҳисоблаяпти, чунки агар улар қайтмаса, оилаларига таҳдид қилинаётганидан қўрқишмоқда.
Бундан аввал АҚШ президенти, агар Австралия уларга ёрдам беришдан бош тортса, АҚШ эронлик спортчи қизларни ўз мамлакатига қабул қилишга тайёрлигини билдирган эди.
Комментарии