Аввалроқ, Ўзбекистонда метан заправкалар фаолияти яна вақтинча чеклангани ҳақида ёзган эдик.
Шу муносабат билан Энергетика вазирлиги талаб ошган тақдирда "Ўзбекнефтгаз" АЖ биржа савдоларига қўйиладиган бензин ҳажмини оширишини маълум қилди.
Хусусан, бугунги кунда биржага қўйилаётган 3700 тонна бензиннинг кунлик ҳажми талаб ва таклифдан келиб чиқиб, 5000 тоннагача оширилиши мумкин.
Маълум қилинишича, бунинг учун барча ҳудудларда зарур захиралар яратилган.
"Истеъмолчиларнинг бензинга бўлган талабини тўлиқ қондириш масаласи давлат назоратига олиниб, барча зарур чоралар кўрилди," - дейилади хабарда.
Шу билан бирга, компания хусусий ёқилғи қуйиш шохобчалари эгаларидан нархларни сунъий равишда оширишга йўл қўймасликни сўраган.
Комментарии