Ўзбекистонда шахмат спортини янада ривожлантиришга қўшган ҳиссаси ва жаҳон миқёсида эришган натижалари учун шахмат бўйича Ўзбекистон миллий терма жамоаси аъзоси, жаҳон кубоги соҳиби Жавоҳир Синдаровга "Ўзбекистон Республикасида хизмат кўрсатган спортчи" фахрий унвони берилди. Тегишли фармон давлат раҳбари томонидан имзоланди.
Бундан ташқари, шахматчи президент совғаси - уч хонали квартира билан тақдирланади. Спортчининг мураббийларига пул мукофоти берилади.
Эслатиб ўтамиз, Ҳиндистоннинг Гоа шаҳрида бўлиб ўтган энг йирик шахмат нокаут турнири финалида Жавоҳир Синдаров хитойлик гроссмейстер Вей И устидан ғалаба қозониб, 2025 йилги Жаҳон кубоги соҳибига айланди.
Комментарии