Фавқулодда вазиятлар вазирлиги матбуот хизматининг маълум қилишича, бугун, соат тахминан 11:30 да Тошкент вилояти Чиноз туманидаги “Пахта Нефтбазаси”да 5 минг тонна сиғимли ёқилғи цистернаси ёниб кетган.
Бир неча дақиқада ёнғин содир бўлган жойга Тошкент вилояти Фавқулодда вазиятлар бошқармасининг 14 та ёнғин-қутқарув экипажи етиб келган.
“Вазият Фавқулодда вазиятлар вазирлигининг тўлиқ назорати остида. Қутқарувчиларнинг сўзларига кўра, ёнғинни тўлиқ бартараф этиш учун тахминан 1 соат вақт кетади. Aйни вақтда қурбонлар тўғрисида маълумотлар келиб тушмаган”, дейилади ФВВ хабарида.
