Интернет тармоғида “Нефтчи” – “Турон” ўйинидан кейин учрашув ҳакамларига таҳдид қилингани акс этган видео тарқалди.
Фарғона вилояти ИИБ Ахборот хизмати ушбу ҳолат назоратга олинганини маълум қилди.
Қайд этилишича, ҳозирда барча ҳуқуқбузарлар ушланиб, терговга кадар текширув ҳаракатлари олиб борилмокда.
Воқеага алоқадор ҳар бир иштирокчининг ҳаракатига конуний баҳо берилади.
Эслатиб ўтамиз, Фарғона шаҳрида бўлиб ўтган Про-лига мусобақасининг якуний учрашувида “Нефтчи” ва “Турон” жамоаси куч синашди. Унда “Турон” жамоаси 0:1 ҳисобида ғалабага эришиб, Суперлига йўлланмасини қўлга киритди.
