ФВВ Матбуот хизматининг хабарига кўра, бугун, 30 сентябрь куни соат 15:34 да Андижон вилояти ФВБга Шаҳрихон туманида жойлашган икки қаватли савдо марказининг ертўласида ёнғин рўй бераётганлиги тўғрисида хабар келиб тушган.
Шунга кўра, воқеа жойига 9 та қутқарув экипажи соат 15:40 да етиб бориб, ёнғин соат 16:17 да ўраб олинган ва соат 16:29 да ўчирилган.
Ҳодиса оқибатида жабрланган ва ҳалок бўлганлар йўқ. Ҳозирда ёнғиннинг келиб чиқиш сабаби ва моддий зарар миқдори аниқланмоқда.
