1 апрелдан Самарқанд вилоятида ичимлик ва оқова сув хизматлари учун янги тарифлар жорий этилади. Тегишли қарор 24 март куни халқ депутатлари вилоят Кенгаши томонидан қабул қилинди.
Тасдиқланган тарифларга мувофиқ, бир кубометр ичимлик суви нархи:
• аҳоли учун – 2800 сўм (ҚҚСсиз);
• бюджет ташкилотлари ва улгуржи истеъмолчилар учун – 6700 сўм (ҚҚСсиз).
Сувни оқизиш хизматларининг нархи қуйидагича бўлади:
• аҳоли учун – 1900 сўм (ҚҚСсиз);
• бюджет ташкилотлари ва улгуржи истеъмолчилар учун – 5300 сўм (ҚҚСсиз).
