Жорий йилнинг 14-16 март кунлари Ўзбекистон бўйича илиқ ва қуруқ об-ҳаво сақланиб туради. Бу ҳақда Ўзгидромет Матбуот хизмати хабар қилди.
Ҳаво ҳарорати асосан кечалари +4...+9 даража илиқ, кундуз кунлари +17...+22 даража илиқ, жанубда ва чўл ҳудудларда +25 даража илиққача бўлади. Шамол шарқдан 7-12 м/с тезликда эсади.
Тошкентда: бугун ва дам олиш кунлари ҳаво кам булутли бўлади, ёғингарчилик кутилмайди.
Шамол шарқдан бироздан ўртача тезликкача эсади.
Ҳарорат кечалари +7...+9 даража илиқ, кундуз кунлари +19...+22 даража илиқ бўлади.
