Таиландда сайёҳлик автобуси билан содир бўлган ЙТҲ оқибатида 19 киши ҳалок бўлди, 30 киши жароҳатланди, дея хабар ебрмоқда маҳаллий Thairath нашри.
Аниқланишича, воқеа Прачинбури провинциясидаги тоғ йўлининг бир қисмида содир бўлган. Автобус катта тезликда йўлдан чиқиб кетиб, ағдарилиб кетган. Транспорт воситаси ҳайдовчисининг айтишича, авария вақтида тормозлар носоз бўлган.
Айни пайтда ҳуқуқ-тартибот идоралари ҳодисадан кейин йўқолган сайёҳлардан бирини қидирмоқда. Шунингдек, полиция ЙТҲ юзасидан текширув ўтказмоқда.
