Жанубий Каролиналик маҳкум Бред Сигмон ўзини отиб ташлашга қарор қилди — бу қатл усули АҚШда 15 йил давомида қўлланилмаган. Бу ҳақда he Associated Press (AP) хабар берди.
"Маҳбус сигмоннинг ўлими 7 мартга режалаштирилган. Кеча, 21 февраль куни у Жанубий Каролинада ўлимга олиб келадиган инекция ёки электр стулини эмас, балки штатнинг ўқ отиш жамоасини танлаган биринчи маҳбус бўлди," - дейилади агентлик хабарида.
Маълумотларга кўра, АҚШда 1976 йилдан бери фақат уч маҳбус отиб ташланган, улардан охиргиси 2010 йилда қатл этилган.
Агентликнинг таъкидлашича, 67 ёшли Сигмон стулга боғлаб қўйилади, бошига капюшон кийгизилади ва ўлим камерасидаги юрагига нишон қўйилади. Уч нафар кўнгилли унга тахминан 4,6 метр масофадан ўқ узади.
Сигмон 2001 йилда Гринвилл округида собиқ севгилисининг ота-онасини бейсбол таёғи билан уриб ўлдирганликда айбдор деб топилган. Кейин у собиқ севгилисини тўппонча билан қўрқитиб ўғирлаб кетган, аммо унинг севгилиси машинасидан қочиб кетган. Прокурорларнинг сўзларига кўра, Сигмоннинг севгилиси қочиб кетаётганида унга қарата ўқ узган, бироқ мўлжалда адашган.
Сигмон 1976 йилда АҚШда ўлим жазоси қайта тикланганидан бери қатл этилган Жанубий Каролинадаги 46 нафар маҳбус орасида энг кексаси бўлади.
Эслатиб ўтамиз, бундан аввал АҚШнинг Луизиана штатида 15 йилдан сўнг ўлим жазоси қайта тиклангани ҳақида хабар берган эдик.