Биринчи президент Ислом Каримов администрациясига 23 йил давомида раҳбарлик қилган Зелимхон Ҳайдаров Ўзбекистон теннис федерацияси раиси ўринбосари лавозимига тайинланди. Бу ҳақда федерацияда бўлиб ўтган навбатдан ташқари сайлов конференциясида маълум қилинди.
Федерация раисининг яна бир ўринбосари ўзбекистонлик теннисчи Ирода Тўлаганова бўлди. У Осиё чемпиони, қизлар ўртасидаги Уимблдон турнири ва АҚШ очиқ чемпионати ғолиби. Шунингдек, "Ўзбекистон Республикасида хизмат кўрсатган спортчи" фахрий унвони билан тақдирланган.
Эслатиб ўтамиз, тадбиркор ва мутахассис, кўп йиллар давомида "Пахтакор" клуби президенти лавозимида ишлаган Ботир Раҳимов Теннис федерацияси раиси бўлгани ҳақида хабар берган эдик.
