Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси, туман ички ишлар бўлими ва Миллий гвардия ходимлари томонидан рейд тадбирлари ўтказилган.
Рейд давомида Ромитан туманининг "Қоқиштувон" маҳалласида яшовчи фуқаро ўз хонадонида ёввойи шер боласини ноқонуний равишда сақлаб келаётгани аниқланган.
Ҳолат юзасидан ҳуқуқбузарга нисбатан МЖтКнинг 92-прим 1-моддаси 1-қисми билан маъмурий баённома расмийлаштирилди.
Шунингдек, иш юзасидан тўпланган ҳужжатлар тегишли чора кўриш мақсадида суд органларига юборилган.
Маълумот ўрнида, шер боласи эса Сомоний боғида ташкил қилинган вақтинчалик ҳайвонот боғига жойлаштирилди.
