Ўзгидромет маълумотларига кўра, душанба ва сешанба кунлари Ўзбекистонда кам булутли ва илиқ об-ҳаво сақланиб туради, ҳарорат +11...+13 даражагача бўлади.
Ҳафта ўртасидан булутлилик кучайиши мумкин, республика ҳудудининг катта қисмида ёғингарчилик кутилмайди. Фақат тоғолди ва тоғли ҳудудларда 16-17 январда баъзи жойларда бироз ёмғир ёғиши, баланд тоғларда ёмғир ва қор кўринишидаги ёғингарчилик бўлиши мумкин.
Ҳаво ҳарорати -2...-3 даражага пасаяди.Кечаси ва эрталаб республиканинг айрим жойларида туман тушиши мумкин.
Шамол шарқдан кучсиздан мўътадилгача эсади.Тошкентда ёғингарчилик кутилмайди. Ҳарорат кечаси 0...+3, кундузи 13-14 январда +11...+13, 15-17 январда +8...+10 даража бўлади.