Аввалроқ, ижтимоий тармоқларда боксчи Шаҳрам Ғиёсов айиқ билан машғулот ўтказгани акс этган видео тарқалиб, кенг муҳокамаларга сабаб бўлган эди.
Мазкур ҳолат Экология вазирлиги экологик назорат инспекцияси ва ИИВ ходимлари томонидан ўрганилиб, видео иштирокчилари ва ташкилотчилардан тегишли тушунтириш хатлари олинган.
Маълум қилинишича, айиқ билан машғулот ўтказиб, ҳуқуқбузарликка йўл қўйган боксчи Шаҳрам Ғиёсовга нисбатан МЖтКнинг 111-моддасига кўра, маъмурий баённома расмийлаштирилди.
Ҳуқуқбузар БҲМнинг 3 баравари миқдорида жаримага тортилди.
Маълумот ўрнида, айиқ Фарғона ҳайвонот боғига топширилган.
