Озарбайжон президенти Илҳом Алиев Қозоғистоннинг Актау шаҳрида содир бўлган авиаҳалокат муносабати билан МДҲнинг норасмий саммитидан Россиядан Бокуга қайтади, деб хабар берди РИА Новости.
"Фожиа муносабати билан Озарбайжон президенти Бокуга қайтмоқда”, — дейилади хабарда.
Маълумот учун, 25 декабрь куни эрталаб Қозоғистон ғарбидаги Актау шаҳри яқинида Бокудан Грознийга учаётган Озарбайжон ҳаво йўллари самолёти ҳалокатга учради. ОАВнинг дастлабки маълумотларига кўра, бунга кеманинг қушлар галаси билан тўқнашуви сабаб бўлган. Самолёт бортида дастлаб 67 йўловчи ва беш нафар экипаж аъзоси бўлган. Қозоғистон Фавқулодда вазиятлар вазирлиги тезкор штабига кўра, 25 киши тирик қолган ва улар касалхонага етказилган.
