Ўзгидромет хабарига кўра, бу йилнинг сўнгги иш ҳафтаси давомида Ўзбекистоннинг барча ҳудудлари бўйича ёғингарчиликсиз об-ҳаво сақланиб туради.
Кечалари кузатилаётган совуқлар аста-секин кучсизлашади, ҳафтанинг иккинчи ярмида ҳаво ҳарорати кечаси ва эрталаб -3...+2 даражагача атрофида бўлади.
Кундузи ҳаво +5…+10 даража илиққача, жанубда +12…+15 даража илиққача, шимолда ва Фарғона водийсида+2…+7 даража илиққача исийди.
Шамол шарқдан бироздан ўртача тезликкача эсади. Кечаси ва эрталаб баъзи жойларга туман тушиши мумкин.
Пойтахтда: ҳаво бироз булутли, вақти-вақти билан ўзгарувчан бўлади, ёғингарчилик кутилмайди. Ҳарорат кечаси -3…-5 даража совуқдан 0…+1 даража илиққача аста-секин кўтарилади, кундузи ҳарорат асосан +6…+9 даража илиқ бўлади.
