Ўзгидромет хабарига кўра, бугун кундузи Тошкент вилояти ва Фарғона водийси вилоятларининг баъзи жойларида бироз қор ёғади. Республиканинг қолган ҳудудларида ёғингарчилик кутилмайди. Шамол ғарбдан 7-12 м/с тезликда эсади, айрим жойларда 13-18 м/с гача кучаяди. Ҳаво ҳарорати 0...+5 даража илиқ, жанубда +8 даража илиққача бўлади.
Дам олиш кунлари Ўзбекистоннинг барча ҳудудлари бўйича ёғингарчиликсиз об-ҳаво бўлиши кутилмоқда. Йўлларда баъзи жойларда яхмалак кузатилади. Шамол шарқдан 7-12 м/с тезликда эсади. Кечаси ва эрталаб туман тушиши мумкин. Ҳарорат 21-22 декабрда кечалари -5...-10 даража совуққача пасаяди, кундуз кунлари -2 даража совуқ +3 даража илиқ атрофида бўлади.
Пойтахтда бугун вақти-вақти билан бироз қор ёғади, туман тушади. Ҳарорат 0...+2 даража илиқ бўлади.Шанба ва якшанба кунлари ёғингарчилик кутилмайди. Ҳарорат кечалари -5...-7 даража совуқ, кундуз кунлари 0...+3 даража илиқ бўлади.Йўлларда баъзи жойларда яхмалак кузатилади. Кечаси ва эрталаб туман тушиши мумкин