Бокс бўйича Осиё чемпионатида ўзбекистонлик спортчи Ҳавасбек Асадуллаев 71 кг вазн тоифасида олтин медални қўлга киритди. Бироқ икки кундан сўнг у қоидабузарлиги учун дисквалификация қилинди.
Финал баҳсида Хавасбек Асадуллаев қозоғистонлик Аблайхан Юсупов билан тўқнаш келди. Ҳакамларнинг алоҳида қарори билан Асадуллаев ғалаба қозонди. Кейинроқ маълум бўлишича, ўзбекистонлик спортчи рақибининг елкасидан тишлаб олган, бу эса ҳакам томонидан жанг давомида ўтказиб юборилган.
Қозоғистон бокс федерацияси эътирозидан сўнг, бокс бўйича элита ўртасидаги Осиё чемпионати (АSBC) техник делегати ирландиялик Сади Даффи боксчи Ҳавасбек Асадуллаевни жиддий қоидабузарлик учун дисквалификация қилишга қарор қилди.
"Шартлар ва қоидаларнинг 21.1.8 қоидасига мувофиқ рақибнинг тишлаши сифатида таснифланган ушбу қоидабузарлик ҳакам томонидан жанг пайтида ўтказиб юборилган, аммо кейинчалик аниқланган. Қоидаларга кўра, агар боксчи ҳар қандай сабабга кўра дисквалификация қилинган бўлса, Аблайхан Жусупов жанг ғолиби деб эълон қилинади," - дейилади АSBC хабарида.