Тошкент шаҳар ИИББ Матбуот хизмати хабарига кўра, жорий йилнинг 11 декабрь куни соат 20:20 ларда Шайхонтоҳур тумани Кўкча дарвоза кўчаси Сузук ота маҳалла аркаси қаршисида ҳайдовчи 1988 йилда туғилган Р.К. бошқарувидаги BYD русумли транспорт воситаси ва 2006 йилда туғилган А.Х. бошқарувидаги Equinox русумли транспорт воситалари тўқнашиши оқибатида йўл-транспорт ҳодисаси содир бўлган.
ЙТҲ натижасида, Equinox русумли транспорт воситасининг ҳайдовчиси шифохонада вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Ўзбекистон Жиноят кодексининг 266-моддаси 2-қисми билан жиноят иши қўзғатилиб дастлабки тергов ҳаракатлари олиб борилмоқда.
