Президент фармони билан Аброр Мирзо Муҳаммадқосимович Олимов Ўзбекистон Марказий банки раисининг ўринбосари этиб тайинланди.
Унга халқаро ҳамкорлик, валютани тартибга солиш, молиявий-иқтисодий фаолият, халқаро захираларни бошқариш, қимматбаҳо металларни сақлаш ва улар билан ишлаш, операцион фаолият бўйича ишларни назорат қилиш вазифалари юклатилган. Шунингдек, у Республика валюта биржаси фаолиятини мувофиқлаштиради.
Ҳозирга қадар Аброр Олимов Марказий банкнинг Валютани тартибга солиш ва тўлов баланси департаменти директори лавозимида ишлаб келаётган эди.
У жорий йилнинг сентябрь ойида пойтахтнинг Шайхонтоҳур тумани ҳокими этиб тайинланган Бобир Абубакиров ўрнини эгаллади.
