Ўзбекистон президенти Шавкат Мирзиёев амалий ташриф билан Қозоғистон пойтахтига келди. Бу ҳақда президент Матбуот хизмати хабар берди.
Остона халқаро аэропортида Шавкат Мирзиёевни Қозоғистон Бош вазири Олжас Бектенов ва бошқа расмий шахслар кутиб олди.
Ташриф дастурига мувофиқ, Ўзбекистон президенти бугун Остона шаҳрида бўлиб ўтадиган V Бутунжаҳон кўчманчилар ўйинларининг очилиш маросимида иштирок этади.