Кеча, 29 август куни Тошкент шаҳар Юнусобод туманида 3 та автомашина иштирокида ЙТҲ содир бўлгани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ИИББ Матбуот хизмати UzNews.uz'га маълумот берди.
Жорий йилнинг 29 август куни соат 12:30 атрофида Юнусобод тумани Амир Темур кўчасида Lacetti, Yutong жамоат транспорти ва ZEEKR автомашиналари тўқнашиши оқибатида йўл транспорт ҳодисаси содир бўлган.
"Ушбу ЙТҲ натижасида Lacetti автомашинаси йўловчисига шифокорлар томонидан биринчи тез тиббий ёрдам кўрсатилган. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда", - дейилади хабарда.