Сенаторлар эллик учинчи ялпи мажлисда "Ўзбошимчалик билан олиб қўйилган ер участкалари ҳамда уларда қурилган бино ва иншоотларга бўлган ҳуқуқларни тан олиш тўғрисида"ги қонунни муҳокама қилди ва маъқуллади, деб хабар бермоқда UzNews.uz мухбири.
Қайд этилишича, қонуннинг мақсади ўзбошимчалик билан олиб қўйилган ер участкалари ҳамда уларда қурилган бино ва иншоотларга бўлган ҳуқуқларни тан олиш билан боғлиқ муносабатларни тартибга солишдан иборат.
Қонун ер участкасига ва унда қурилган бинога бўлган ҳуқуқни, шунингдек, якка тартибдаги турар-жой биноси қурилган ўзбошимчалик билан эгаллаб олинган ер участкасини ижарага бериш ҳуқуқини тан олишнинг аниқ тартибини белгилайди.
Ҳуқуқларни тан олиш учун тегишли асослар ҳам белгиланади, жумладан:
• ортиқча эгаллаб олинган ер участкаси учун ижара ҳақи;
• боғдорчилик ва узумчилик ширкатлари ҳудудидаги турар-жой бинолари жойлашган ер участкаси;
• кичик саноат зоналари ҳудудидаги ер участкаси.
• боғдорчилик ва узумчилик ширкатлари ҳудудидаги турар-жой бинолари жойлашган ер участкаси;
• кичик саноат зоналари ҳудудидаги ер участкаси.
Сенаторлар қонуннинг қабул қилиниши фуқаролар ва тадбиркорлик субъектларининг ўзбошимчалик билан эгаллаб турган ер участкаларини ижарага бериш ҳуқуқини, шунингдек, уларда қурилган бино ва иншоотларга эгалик қилиш ҳуқуқини тан олиш имконини беришини алоҳида таъкидладилар. Бу, ўз навбатида, мазкур бино ва иншоотларни коммунал тармоқларга улаш бўйича тадбиркорлик фаолиятини амалга оширишда аҳолининг ижтимоий-иқтисодий муаммоларини ҳал этиш имконини беради.
Аввалроқ Қонунчилик палатаси депутатлари бугунги кунда 3 миллион 800 минг гектардан ортиқ аҳолининг кўп йиллардан буён фойдаланиб келаётган ёки уларга бўлган ҳуқуқлари бўлмаган 493 минг гектар ер майдони мавжудлигини, бунинг учун барча зарур ҳужжатлар йўқлигини таъкидлаган эди.