Поиск
RUUZ

Происшествия

Тошкентда йўловчи автобуси ёниб кетди — фото

Автобуснинг гидростат қисмида электр симларининг қисқа туташуви оқибатида ёнғин содир бўлган.

208views0replies
0

Видеодан кадр

Тошкент шаҳар Сергели туманида Mercedes-Benz русумли йўловчи автобуси ёниб кетгани ҳақида хабар берган эдик. Тошкент шаҳар ИИББ ЙҲХБ Матбуот хизмати ушбу ҳолат юзасидан изоҳ берди.
Жорий йилнинг 15 июнь куни соат 11:35 атрофида Сергели тумани Лутфикор кўчасида Mercedes-Benz йўловчи ташувчи транспорт воситасида ёнғин келиб чиққан.
Ёнғин туман ФВБ ходимлари томонидан бартараф этилган. Ёнғин натижасида тан жароҳати олганлар йўқ.
Дастлабки маълумотга кўра, автобус ўз йўналиши бўйлаб Сергели тумани Лутфикор кўчасида ҳаракатланиб кетаётган вақтда автобуснинг гидростат қисмида электр симларининг қисқа туташуви оқибатида ёнғин содир бўлган.
Мазкур ҳодиса юзасидан ЙҲХБ ҳамда ФВБ ходимлари томонидан суриштирув олиб борилиб, ёнғин юзага келишининг сабаблари ва зарар миқдорига аниқлик киритилмоқда.
208views0replies
0

Комментарии