Қашқадарё вилояти Қарши тумани ИИБ жиноят қидирув бўлинмаси катта тезкор ходими пора билан ушланди, дея хабар бермоқда ДХХ Матбуот хизмати.
Аниқланишича, у хизмат мавқеидан фойдаланиб, ўзининг иш юритувида бўлган терговга қадар текширув материали юзасидан якка тартибдаги тадбиркорга нисбатан ЖПКнинг 83-моддаси 2-бандига асосан жиноят иши қўзғатмаслик эвазига, тамагирлик йўли билан ундан 1500 АҚШ доллари миқдорида пора талаб қилади ва аввалроқ ушбу пул маблағи ҳисобидан 400 АҚШ доллари олади.
У талаб қилинган пулдан яна 400 АҚШ долларини олган вақтида Давлат хавфсизлик хизмати ходимлари томонидан ушланди.
Ҳозирда мазкур ҳолат юзасидан жиноят иши қўзғатилиб, ушбу шахсга нисбатан қамоқ эҳтиёт чораси қўлланилган.