Аввалроқ, ижтимоий тармоқда бир бола бинонинг юқори қаватидан машина устига қулагани акс этган видео тарқалди.
Бош прокуратура хабарига кўра, ҳодиса 14 май куни Урганч шаҳрида содир бўдган. 2007 йилда туғилган вояга етмаган бола кўп қаватли уйнинг 5-қаватидан автомашина устига тушиб кетган.
Ҳозирда жабрланувчи шифохонага ётқизилиб, унга зарур тиббий ёрдам кўрсатилмоқда.
Ҳодиса содир бўлган жой тергов-тезкор гуруҳи аъзолари томонидан кўздан кечирилганда жиноятга алоқадор излар ва нарсалар топилмаган. Вояга етмаган йигитнинг тан жароҳати даражасини аниқлаш мақсадида суд-тиббий экспертизаси тайинланган.