Тошкентда метрода ўзига нотаниш бўлган қизга тегажоғлик қилган эркакка суд ҳукми ўқилди.
Маълум қилинишича, жорий йилнинг 27 март куни 24 ёшли эркак метронинг “Пахтакор” бекатидан “Новза” бекати томонга ҳаракатланиб, метро йўловчилар кўплиги сабабли тирбандликдан фойдаланиб, ўзига нотаниш бўлган қизнинг белидан паст қисмига тегажоғлик қилган.
Эркак суд мажлисида метро ичида одамлар кўп бўлганлиги сабабли одамлар бир-бирига тегиб турганлигини, шу вақтда ўзи билмаган ҳолда қизнинг белидан пастки қисмига тегиб кетганлигини, ҳозирда қилган ишидан пушаймон эканлигини, унга нисбатан енгиллик беришни сўраган.
Суд ҳукмига кўра, эркак МЖтКнинг 41-1-моддасида назарда тутилган ҳуқуқбузарликни содир қилган деб топилган ва унга нисбатан 5 сутка маъмурий қамоқ жазоси тайинланган.