Вазирлар Маҳкамасининг тегишли қарорига мувофиқ "C" ёки "D" тоифаларига оид автотранспорт воситаларини бошқариш учун аёлларга2,5 тоннадан ортиқ бўлган юк автомобилларини ёки йўловчиларнинг сони 14 кишидан ортиқ бўлган автобусларни бошқаришга рухсат этилиши белгилангани ҳақида хабар берган эдик.
"Тошшаҳартранс" АЖ Матбуот хизматининг хабар беришича, транспорт соҳасида гендер тенгликни таъминлаш мақсадида, аёлларга ҳам катта сиғимли автобусларни (электробус) бошқаришга рухсат этилди.
Автобусни бошқариш истагини билдирган аёл номзодлардан Наргиз Гадаева ва Саодат Шерматовага амалиёт дарслари белгиланган бўлиб, уларга устоз ҳайдовчи томонидан автобусни бошқариш ва йўналиш ҳаракати бўйича батафсил тушунчалар берилмоқда.
