Ўзбекистон миллий жамоаси ҳамда Россиянинг "ЦСКА" клуби клуби яримҳимоячиси Аббосбек Файзуллаевга "Бавария" клуби қизиқмоқда. Бу ҳақда россиялик футбол агенти Антон Смирнов телеграмдаги каналида хабар берди.
Қайд этилишича, "Бавария" клуби Аббосбек Файзуллаевга Ўзбекистон U23 сафидаги ўйинларидан кейин эътибор қарата бошлаган.
"Файзуллаев немис клуби скаут хизматининг диққат марказида турибди", - дейилади хабарда.
Файзуллаев 2023 йилнинг август ойида "Пахтакор"дан 500 минг евро трансфер пули эвазига “ЦСКА” клубига кўчиб ўтганди.