Аввалроқ, ижтимоий тармоқда Nexia-3 автомобили аянчли ЙТҲга учрагани, йўловчилари вафот этгани ҳақида хабарлар тарқалди. Ҳолат юзасидан Сурхондарё вилояти ИИБ ЖХХ ЙҲХБ Ахборот хизмати маълумот берди.
Қайд этилишича, ҳодиса 2024 йил 30 январь куни соат 16:45 ларда Термиз тумани “Гулбахор” маҳалласи ҳудудидан ўтувчи 4Р 99 автомобил йўлининг 25 километрида содир бўлган.
1989 йилда туғилган ҳайдовчи Nexia-3 автомашинасини дастлабки маълумотларга кўра юқори тезликда бошқариши натижасида эҳтиётсизлик қилиб, йўлнинг ўнг томон четига чиқиб, ағдарилган.
Йўл транспорт ҳодисаси натижасида, автомашина салонида йўловчи сифатида ҳаракатланган 2003 йилда туғилган аёл олган тан жароҳатлари сабабли вафот этган. Автомашина ҳайдовчиси эса туман шифохонасига ётқизилди.
