Бош прокуратура хабарига кўра, фуқаро Х.Б. Қўшработ туманининг “Оқчопсой” маҳалласи ҳудудида таркибида олтин моддаси мавжуд бўлган қум-шағальни кавлаш орқали олтин ажратиб олиш фаолияти билан ноқонуний равишда шуғулланиб келган. У ҳеч қандай ҳужжатларсиз ўзбошимчалик билан электр тармоғига уланиб, 837 минг кВт/соат 753 млн сўмлик электр энергиясини талон-торож қилганлиги аниқланди.
Мазкур ҳолат юзасидан Х.Б.га нисбатан Жиноят кодексининг 169-моддаси 4-қисми “а” банди билан жиноят иши қўзғатилиб, процессуал тартибда ушланган.
Ҳозирда жиноят иши бўйича дастлабки тергов ҳаракатлари олиб борилмоқда.