Бугун, 16 январь куни соат 11:30 атрофида Самара вилояти М-5 Урал автомобил йўлининг 745-километрида "Лада Ларгус" ва юк машинаси иштирокида ЙТҲ содир бўлди.
Дастлабки маълумотларга кўра, ўзбек давлат рақамларига эга бўлган Лада Ларгус ҳайдовчиси бошқарувни йўқотиб, йўлнинг қарама-қарши қисмига чиқиб кетиши оқибатида юк машинаси билан тўқнашиб кетган.
Қайд этилишича, воқеа жойида ҳуқуқ-тартибот идоралари ва қутқарув хизматлари ишини Ставропол вилояти прокурори Дмитрий Хартахай мувофиқлаштирмоқда.
Мавжуд маълумотларга кўра, Ларгусда бўлган этти кишидан уч нафари вафот этган. Қолганлари тез ёрдам машинасида олиб кетилган.
Эслатиб ўтамиз 11 январ куни Пенза шаҳри яқинидаги М-5 трассасида Вольво юк машинаси ва JAC микроавтобус иштирокида содир бўлган ЙТҲда 8 нафар Ўзбекистон фуқароси ҳалок бўлган эди.
