Аввалроқ, ижтимоий тармоқларда Тошкентда "ВАЗ-2107" ёнаётгани акс этган видео тарқалди. Шаҳар ИИББ ЙҲХБ ҳолат юзасидан маълумот берди.
Дастлабки маълумотларга кўра, бугун, 2024 йил 10 январь куни соат 09:46 ларда, Тошкент шаҳар, Шайхонтоҳур тумани "Ўқчи" МФЙ Б.Зокиров кўчасида тўхтаб турган Д.С.га тегишли "ВАЗ-2107" русумли автомобилда электр симларида қисқа туташув оқибатида ёнғин юзага келган.
"Ёнғин ўт ўчирувчилар томонидан бартараф этилган. Тан жароҳат олганлар йўқ. Мазкур ҳодиса юзасидан ЙҲХБ ҳамда ФВБ ходимлари томонидан суриштирув олиб борилмоқда", - дейилади хабарда.
