Қашқадарё вилояти Экология, атроф муҳитни муҳофаза қилиш ва иқлим ўзгариши бошқармаси Китоб туман инспекторлари ҳамда Миллий гвардия ходимлари билан ҳамкорликда рейд тадбири ўтказилди.
Назорат рейд тадбири давомида фуқаро томонидан фермер хўжалиги ер майдони атрофидан 21 туп қайрағоч дарахтларини ҳеч қандай рухсатномаларсиз кесиб ташлаганлик ҳолати аниқланди, дея хабар бермоқда Қашқадарё вилояти Экология бошқармаси Матбуот хизмати.
"Аниқланган ушбу ҳолат юзасидан 180 млн 840 минг сўм табиатга етказилган зарар ҳисобланди. Ҳолат бўйича тўпланган ҳужжатлар туман прокуратурасига тақдим этилган ва ишлар ҳозирда давом этмоқда", - дейилади хабарда.