Энергетика вазирлиги ҳузуридаги "Ўзэнергоинспекция" ва "Ҳудудгазтаъминот" АЖ томонидан назорат тадбирлари ўтказилган.
Жумладан, Наманган шаҳрида яшовчи А.Э.Н.га қарашли оҳак ишлаб чиқариш цехи табиий газ ҳисоблагичисиз, тармоққа ноқонуний равишда уланганлиги маълум бўлган.
Натижада давлат манфаатларига 7 млрд 56 млн сўм (4 млн 704 минг метр куб) зарар етказганлиги аниқланган. Маълумот ўрнида, ушбу ҳажмдаги табиий газ ҳозирги кунда 23 минг 520 та хонадоннинг бир ойлик истеъмолига тенгдир.
"Қоидабузар истеъмолчига нисбатан белгиланган тартибда чоралар кўриш учун тегишли ҳужжатлар ҳуқуқни муҳофаза этувчи органларга тақдим қилинди", - дейилади хабарда.