Маълум қилинишича, мазкур ҳолат Фарғона вилояти Қўштепа туманидаги «Карнайчи» маҳалласида юз берган. Бу ҳақда "Бу кун" дастури хабар берди.
Аниқланишича, Абдуллоҳ исмли 5 ёшли болакай воқеа содир бўлган куни дадасини овқатланишга чақириш учун унинг олдига боради. Дадаси уйининг ёнидаги чорва моллари парвариш қилиш хўжалигида ишлаган.
Абдуллоҳнинг онасининг сўзларига кўра, гумонланувчи мактабнинг 7 ёки 8-синф ўқувчиси бўлган.
Шифокорларнинг хабарига беришича, операция жараёни 5 соат давом этган.
"Пневматик қуролнинг ўқи чап ўпкадан ўтиб, юракнинг чап қоринчасига кириб қолган. Юракни тўлиқ тўхтатган ҳолда, ўқни олиб ташладик. Ҳозирда боланинг аҳволи яхши",- дейди шифокор.
Ҳозирда мазкур ҳолат Қўштепа тумани ИИБ томонидан тегишли тартибда ўрганилиб, терговга қадар текширув ишлари давом этмоқда.
