Қишлоқ хўжалиги вазирлиги ҳузуридаги Сабзавот, полиз экинлари ва картошкачилик илмий-тадқиқот институтининг Самарқанд илмий-тажриба станцияси олимлари томонидан помидорнинг маҳаллий "Мустақиллик- 28" янги нави яратилди. Бу ҳақда Қишлоқ хўжалиги вазирлиги хабар бермоқда.
Қайд этилишича, томчилатиб суғориш йўли билан етиштирилган ушбу нав ташишга чидамлилиги, экспортбоплиги ва ҳосилдорлиги билан ажралиб туради.
"Олимлар яратган янги навнинг ширинлилик даражаси 7 фоизга тенг ва бу кўрсаткич юртимизда етиштирилаётган энг ширин помидорлар ичида рекорд кўрчаткич ҳисобланади", - дейилади хабарда.
