Ўзбекистон терма жамоаси аъзоси 1.52 метр бўй баландлигигача бўлган йигитлар баҳсида Исломбек Ахчурин барча рақибларини мағлубиятга учратиб, олтин медални қўлга киритди. Бу ҳақда Ёшлар сиёсати ва спорт вазирлиги Ахборот хизмати хабар берди.
Ўз иштирокини нимчорак финалдан бошлаган ўзбекистонлик спортчи аввал грузиялик, сўнгра польшалик рақибини, ярим финалда эса Хитой Тайпейи спортчисини мусобақадан чиқариб юборди. Финал босқичида италиялик рақиби устидан 2:1 ҳисобида ғалаба қозонган ўзбекистонлик спортчи кадетлар ўртасида Жаҳон чемпионига айланди.
