Поиск
RUUZ

Общество

Фарғона вилояти ҳокимининг биринчи "зам"и, солиқ бошлиғи ва яна 2 та бошлиқ ишдан олинди

Қўқонга ташриф буюрган Шавкат Мирзиёев раҳбарларни танқид қилиб, ишдан олди ва айримларига ҳайфсан берди.

294views0replies
0

president.uz

Бугун, 27 июль куни Шавкат Мирзиёевнинг Фарғонага ташрифи доирасида Қўқон шаҳрида йиғилиш бўлди. Йиғилишда деҳқонларга экин ерларини ижарага бериш ишлари номига ташкил қилингани кўрсатиб ўтилди.
Жумладан, аҳоли яшаш жойидан узоқда жойлашгани, сув таъминоти оғирлиги сабаб 1 минг 157 гектар экин ерлари танловга қайта-қайта қўйилмоқда.
Вилоятда экинларни етиштириш учун харажатлар 1 сотих ер майдонига ўртача 220 минг сўмни ташкил қилиб, республика ўртача кўрсаткичидан 1,5 баробар кўп.
Шунингдек, ўтказилган сўровлар натижасига кўра, 32 фоиз ер эгаларига туман ҳокимлиги томонидан ҳеч қандай ёрдам кўрсатилмаган.
Инфляцияни жиловлаш, бозорларда нархлар барқарорлигини таъминлашда ҳокимлар томонидан кўрилаётган чоралар ҳам қониқарсиз экани қайд этилди.
Шу боис, ҳудуди ишларни лозим даражада ташкил этмагани учун Фарғона вилоят ҳокимининг биринчи ўринбосари А.Уринбоев, вилоят солиқ бошқармаси бошлиғи А.Тиллаволдиев, Риштон тумани ҳокими С.Солиев, Марғилон шаҳар ҳокими А.Зиявитдинов ва солиқ бошлиғи Т.Хусанов эгаллаб турган лавозимидан озод қилинди.
Шунингдек, вилоят ҳокимининг қурилиш ҳамда инвестиция бўйича ўринбосарлари, Бағдод, Қува ва Бувайда туманлари ҳокимларига ҳайфсан эълон қилинди.
Фарғона шаҳри ҳокими ва сектор раҳбарларининг лавозими 3 ой синов муддати билан ўз вазифасини бажарувчи даражасига туширилди.
294views0replies
0

Комментарии