Экология вазирлиги Ахборот хизматининг хабарига кўра, Қашқадарё вилояти Деҳқонобод туманида Экология бўлими ишчи гуруҳи томонидан тезкор рейд тадбири ўтказилган.
Рейд давомида тадбиркорлик субъекти томонидан "Торқопчиғой" массиви ўрмон хўжалиги ҳудудида 2532 та тожик кавраги ўсимлигига зарар етказилганлиги, илдиз қисмлари кавланиб, кесилганлиги аниқланган.
Таъкидланишича, ҳолат натижасида ўсимлик дунёсига жами 1 млрд 253 минг сўм зарар етказилган.
Ҳозирда ҳолат юзасидан тегишли ҳужжатлар тўпланиб, прокуратурага юборилди, -дейилади хабарда.
Маълумот учун, тожик кавраги Ўзбекистон Қизил китобига киритилган.
Эслатиб ўтамиз, аввалроқ ҳам, Қашқадарёда 753 туп тожик каврагининг илдиз қисмлари кесиб ташлангани ҳақида хабар берган эдик.
