Жорий йилнинг 8-17 июль кунлари Франция пойтахти Париж шаҳрида пара енгил атлетика бўйича навбатдаги жаҳон чемпионати ўтказилган. Унда Ўзбекистон терма жамоаси муваффақиятли иштирок этиб, 6 та олтин, 7 та кумуш ва 4 та бронза, жами 17 та медалга сазовор бўлди. Бу ҳақда Ўзбекистон Миллий Олимпия қўмитаси Матбуот хизмати маълум қилди.
Таъкидланишича, ушбу натижа эвазига Ўзбекистон делегацияси умумжамоа ҳисобида 8-ўринни эгаллаган.
Бундан ташқари, мусобақа давомида Париж-2024 Паралимпия ўйинларига 19 та йўлланмани қўлга киритишган.
