Ўзбекистон киберспорт терма жамоасининг CS:GO йўналишидаги киберспортчи йигитлар Осиё-Океания чемпиони бўлишди. Бу ҳақда Ўзбекистонда киберспорт ассоциацияси хабар берди.
Қайд этилишича, Саудия Арабистонида ўтказилган 15th WE Championship IASI 2023 халқаро турнири доирасида ўзбекистонлик киберспортчилар финалда Мўғулистоннинг терма жамоасини мағлуб этишга муваффақ бўлишди.
Турнирнинг соврин жамғармаси 12 500 АҚШ долларини ташкил этган бўлиб, шундан Ўзбекистон терма жамоаси 1-ўрин учун 7 000 АҚШ долларини қўлга киритди.
Иккинчи ўринни эгаллаган мўғулистонлик киберспортчиларга 3500 доллар, Индонезия терма жамоасига 2000 АҚШ доллари берилди.
Таъкидлаш жоизки, Ўзбекистон терма жамоаси Руминиянинг Иаси шаҳрида бўлиб ўтадиган ушбу турнирнинг LAN босқичида иштирок этади.