Иқтисодиёт ва молия вазирлигининг маълум қилишича, ташаббусли бюджет жараёнининг жорий йилги 2-мавсуми 17 июль соат 10:00 дан бошлаб ўтказилади.
Бунга кўра,
1-босқич – фуқаролар томонидан лойиҳаларни шакллантириш жараёнлари 17.07.2023 - 06.08.2023 давомида;
2-босқич – лойиҳаларни махсус комиссия томонидан саралаб олиш жараёнлари 06.08.2023 - 26.08.2023 давомида;
3-босқич – лойиҳаларга овоз бериш жараёнлари 26.08.2023 - 15.09.2023 давомида ўтказилади.
Дастлабки ҳисоб-китобларга кўра, ушбу мавсум учун туман (шаҳар) бюджетлари ҳисобидан 1 трлн сўмдан ортиқ маблағлар йўналтирилиши кутилмоқда.
Таъкидланишича, мазкур маблағлар мавсум якунига қадар ортиб боради.
Маълумот ўрнида, фуқаролар лойиҳага доир батафсил маълумотлар билан ушбу ҳавола орқали танишиб чиқишлари мумкин.