Аввалроқ, ижтимоий тармоқларда Самарқандда болага итлар ҳамла қилганлиги ҳақида хабар берган эдик.
Ҳолат юзасидан вилоят ИИБ Матбуот котиби Жаҳонгир Сагдуллаев расмий маълумот берди.
Маълум қилинишича, ушбу ҳолат жорий йилнинг 8 июль куни Самарқанд шаҳар Набиева-4 кўчасида содир бўлган.
Уйга қайтаётган болакайга шу ердаги дайди итлар ҳужум қилган. Бу ҳолатни эса шу кўчадан ўтиб кетаётган Taxi ҳайдовчиси кўриб қолган ва унга амалий ёрдам кўрсатган.
Таъкидланишича, ҳозирда боланинг аҳволи яхши. Итлар ушланиб, карантинга олинган.
Ҳолат қўшимча ўрганилмоқда. Ўрганиш давомида итларнинг эгаси аниқланган тақдирда унга нисбатан қонуний тартибда чора кўрилади,- дейди Жаҳонгир Сагдуллаев.