Ушбу ёнғин бугун, 10 июль куни соат 06:51 атрофида Тошкент шаҳар Чилонзор тумани "Бешқўрғон" МФЙ ТҲАЙ кўчасида содир бўлган. Унда 147-сонли "Чорсу бозори - Чинни бозор" йўналишида ҳаракатланган Mercedes benz русумли автобуснинг мотор қисмида ёнғин юзага келган.
Шунга кўра, 1 та ёнғин-қутқарув экипажи ёнғин жойига соат 07:00 да етиб борган. Ёнғин, экипаж боргунга қадар бозор ҳудудий ёнғин ўчириш экипажи ва бирламчи ёнғин ўчириш воситалари ёрдамида ўчирилган.
Таъкидланишича, ёнғин тахминан электр симларидаги қисқа туташув натижасида содир бўлган.
Ҳодиса оқибатида тан жароҳати олган ва ҳалок бўлганлар йўқ,- дейилади хабарда.