ДХХ Чегара қўшинлари Матбуот хизматининг хабарига кўра, Бухоро вилоятида жойлашган "Олот-автойўл" халқаро ўтказиш пунктида кириш йўналишида ҳаракатланиб келаётган фуқаро С.А. бошқарувидаги DAF русумли юк транспорт воситаси кўрикдан ўтказилган.
Натижада тиркамага ортилган жами 8 дона енгил автомашиналар орасидан, давлат рақамисиз, русуми Hyundai Elantra бўлган автомашинанинг орқа ўриндиғи ва захира ғилдираги орасида 1 дона картон қутида 43 дона жанговар патронлар яшириб қўйилганлиги аниқланган.
Ҳозирда мазкур ҳолат юзасидан дастлабки суриштирув ишлари олиб борилмоқда.
Маълумот ўрнида, қурол билан боғлиқ тартиблар Ўзбекистон Республикасининг Қурол тўғрисидаги Қонуни (ЎРҚ–550-сон, 29.07.2019 й.) да белгиланган.
