Жорий йилнинг февраль ойида Қозоғистоннинг Чимкент шаҳрида Ўзбекистон фуқароси қурол-яроғ дўконига ҳужум қилгани ва қўриқлаш агентлиги ходимлари ўртасида отишма содир бўлгани ҳақида хабар берган эдик.
Отишма содир этган 49 ёшли ўзбекистонлик эркакнинг суд иши Чимкент ЖИБ ихтисослаштирилган туманлараро судида очиқ тартибда кўриб чиқилди. Прокурор айбланувчига нисбатан 16 йил қамоқ жазосини сўради. Суд ҳукмига кўра судланувчи 15 йилга қамалди. Ўзбекистонлик эркак жазони ўртача хавфсиз муассасада ўтайди, дейилади хабарда.