Бугун, 23 май куни соат 01:06 атрофида Наманган вилояти Поп тумани "Садоқат" МФЙ ҳудудидан ўтган А-373 автомобиль йўлининг 277.5 километрида "Водий-Тошкент" йўналишида ҳаракатланиб кетаётган DAF юк автомобилида ёнғин юзага келган.
Воқеа жойига 2 та ёнғин-қутқарув экипажи соат 01:47 да етиб бориб, ёнғин соат 01:50 да қуршаб олинган ва соат 02:00 да ўчирилган, дея хабар берди Наманган вилояти ФВБ Ахборот хизмати.
Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.